أنا عارف إني أتخرت عليكم بس كنت حاسس إني لما أجي أكتب في مشاكلنا كنت حاسس إني هتكلم في مواضيع كتيرة من غير حتي مأسال أي شخص أعتقادا مني بالإلمام بمشاكل الشباب بأكملها لاني واحد منهم لكن لما أتكلمت مع ناس وضحت ليا حجات كتيرة كانت غايبة عن زهني منها
المناقشة
دايما كل واحد فينا بيحس دايما إن راية هو اللي صح مع شرط إحترامة للأراء الاخرين بس في النهاية رأيه هو اللي صح ............ ممكن تقعد معاه علشان تقنعة بالسعات يسمع منك ويخلية معاك للنهاية وفي ألاخر اللي في دماغة هو اللي هيعملة يعني زي مبنقولوا ( ماشي خدوا علي قد عقلة ) .......
أنا نفسي كنت بصصم علي شي مش بتراجع فية دون أي تفكير للعواقب التي ستحدث بسببه لكن
بنقول عليها ( دماغة كده سيبة )
بس لونقعد مع نفسينا ثواني ونفكر بينا وبين نفسنا نلاقي فعلا أننا نخطي أحيانا وسعات أخري تكرارا بس ممكن الخجل أو الكبيراء أو التعصب يمنعنا من التراحع عن الموقف اللي أحنا ثابتين علية
فعلا بيحصل....... ممكن نخصر أصدقاء بسبب عدم المناقشة دايما كل أتنين أصحاب بيقا ليهم وجهات نظر مختلفة وتلاقي كل واحد مصصم علي راية من غير ما يسمع من التاني وسعات كتير بتنتهي بالزعل
.................ممكن يكون سبب في خلق خلاف بينا وبين البيت بسسب المناقشة علشان مش راغبين نسمع منهم حاجة في أعتقادنا طبعا أن الناس دي عايشة عصرهم القديم وعايشين في عصر غير العصر الدنيا أتغيرت كتير ودول مش ماشين مع دماغنا مش عارفين أحنا عايزين نعمل أيه ... لو نرجع ونفكر نلاقي دايما بنرجع لهم في كل حاجة منعرفش نتم حاجة غير بيهم ورايهم بيبقا الراي السليم في النهاية هما اللي صح مش أحنا ولا أيه ..
.................ممكن يكون سبب في خسارة مادية بالرهان علي شي دون أي أقتناع أو عدم سماعة لمناقشة الاخرون ( خلاص هو كده يعني كده ..ياعم انتا عارف أكتر مني )
...............ممكن يكون سبب في خسارة معنوية دلوقتي الرهان بقا علي الرجولة من غير منتناقش في الموضوع كل واحد يحكم راية علي حاجة ويقولك ( ياعم لو مش كده مبقاش راجل)
ممكن تكون الحياه أبسط من كده بكتير ممكن نوصل لحجات أحنا كنا تيهين عنها ممكن أحصل علي معلومات أحنا نفسنا مش عارفنها .....حاجة عجيبة وغريبة .(دايما تلاقي لما واحد يجي يكلمك عن موضوع أو أي معلومة وهو داخل المناقشة يقولك أنتا عارف .تقولوا طبعا عارف كمل ياعم مش مشكلة عندنا نحصل علي المعلومة بس المشكلة عندنا إن إحنا نظهر قدامة إننا مش عارفين )
الحياه أبسط من كده بكتير مش عارف ليه بنحاول دايما نضع العقد أمامنا علشان نغيب عمرنا نفكر في حلول لمشاكلنا
.ممكن توصلنا المناقشة مش بس لاكتساب معلومة أو زيادة في المعرفة أو إستفاده علمية ....لكن المناقشة بنكسب بيها أحترام الاخرون وكسب ثقتهم
ومن خلالها نلاحظ أننا نضع حجر أساس لمجتمع قائم علي الاحترام والثقة وتبادل الاراء
مش مجرد خلافات وتعصبات لا......... دي حياتنا والناس دي هيا اللي موجوده فيها مش معقول هنعيش براي وسط مجتمع مش مجرد أنه رافضني لا بالعكس ده رافض إسلوبي في فرض الراي ده من غير حتي ما يحاول إنه يشركهم معاه أو يقنعهم بيه أو هو حتي يكون مقتنع بيه بينة وبين نفسة
أهم حاجة إننا نقتنع دائما أن كل منا له وضعة وكيانة وتفكيرة الخاص المرتبط بالمجتمع دون الانطواء عنهم بل باللجوء الي تشجيعهم
ناقشني واقنعني أو أقنعك المهم
النقاش لا يفسد للود قضية
محمد محروس
موضوع: شاركني رايك 
الإثنين يوليو 28, 2008 12:12 am
